Tesla Model S помина 530 километри на температури меѓу -10 и -5 Целзиусови степени, што е за 16,4 отсто помалку од WLTP рејтингот.
Тоа беше доволно за американскиот модел да победи на споредбениот тест направен во Норвешка, поставувајќи нов рекорд.
Електричната лимузина на Илон Маск беше подобра од 28 други електрични автомобили на тестот организиран од норвешкиот автомобилски медиум Motor.no.
Tesla Model S изгуби само 16,4 отсто од номиналниот WLTP опсег од 634 километри и беше единственото возило што ги проби бариерите од 450, односно 500 километри. Претходниот рекорд беше 521 километар, поставен во 2021 година од Tesla Model 3 Long Range.
Она што е интересно е дека Model S може да оди уште подалеку, но батеријата на тестираното возило можеше да се наполни само до 98 проценти од технички причини пред почетокот на тестот. Батериите на сите други возила беа 100 проценти наполнети.
За повеќето возила тестирани оваа година, опсегот на студено време во реалниот свет падна за 20 до 30 проценти од нивните WLTP оценки. На пример, автономијата на Mercedes-Benz EQE беше „скратена“ за 33,39 проценти на 409 километри, во споредба со WLTP вредноста од 614 километри.
На тестот учествуваа вкупно 29 електрични возила, што значи дека беше најголем досега. Се возеше меѓу норвешката престолнина Осло и Хјеркин, на патека од 365 километри во еден правец.
Покрај Tesla Model S, возилата што покажаа најмали отстапувања од номиналниот опсег беа Maxus Euniq 6 (-10,45 проценти), MG Marvel R (-16,76 проценти), MG 5 (-17,63 проценти), Kia EV6 GT (-17,69 проценти) и Tesla Model X Plaid (-18,23 проценти).
Сите останати имаа загуба на автономија поголема од 20 проценти, а најголемиот „минус“ се однесува на Toyota bZ4X, кој изнесува -35,79 проценти). Вреди да се спомене дека некои возила достигнаа најголема надморска височина на тест-патеката, каде температурите се спуштија до -19 степени Целзиусови.
Motor.no тестираше разновидна мешавина на електрични модели, вклучително и кинески модели на продажба во Норвешка, како што се Nio ET7, BYD Han, Hongqi E-HS9, Voyah Free, JAC e-JS4, BYD Atto 3…
