Продажбата на кондоми се зголемува како што се зголемуваат температурите и се приближува летото, покажуваат резултатите на еден од најголемите производители на кондоми, Ansell.
Компанијата во своите погони произведува по 5 милиони кондоми секој ден, а Wired објави неколку фотографии кои покажуваат како изгледа процесот.
Во близина на фабриката на Ansell во Тајланд, работниците прават засеци во дрвата за да го соберат млечниот латекс. Секое дрво произведува 20-40 грама од течноста по засек, а може да дава латекс секојдневно во период од 20 години.
Стаклените калапи двапати се „бањаат“ во латекс, откако ќе се олади материјалот, кондомот се вади со помош на вода. Најпопуларниот калап на компанијата е тој за стандардните прави кондоми, но постојат опции за повеќе форми. Потоа се додава долниот дел на кондомот и се вулканизира гумата.
Кондомите одат да перење за да се отстранат вишокот материјали. Пред да стигнат до процесот на сушење врз нив се додава пудра за латексот да не се залепи.
Секој кондом поминува низ тестови со струја кои проверуваат дали е скинат. Ако машината детектира проблеми, кондомот се фрла. Исправните ги вшмукува посебна цевка која ги витка во препознатливата форма од пакувањето.
Кондомите добиваат дозирање со различни течности и вкусови како што се вкусот на лубеница и чоколадо. Металната преса ги затвора кондомите во пакувањето, а друга машина го става рокот на траење.
Од секоја серија, по случаен избор се вадат по неколку кондоми кои одат на дополнителни тестови. Секоја држава има различни стандарди до кои кондомите мораат да се придржуваат. Покрај издржливоста на воздух, тие се тестираат и со вода за да се провери да не имаат пукнатини, се тегнат додека не пукнат, а се проверува и тоа колку им е рокот на траење пред да бидат искористени.