Француската војска во текот на тренинг во воено училиште тестираше неколку роботи, меѓу кои и роботското куче Spot на компанијата Boston Dynamics.
Spotб еше дел од дводневен тренинг со цел да се проценат дополнителните вредности на роботот во борбени акции.
Целта на тренингот беше војниците да дознаат на кој начин роботите може да се користат во идните борбени ситуации. Креирани се по три мисии на напади и одбрани, а Spot примарно беше користен за извидување.
Војниците двапати го повторија сценариото, еднаш без роботи, а вториот пат со нив. Покрај Spot, во тренингот беа користени и други роботи на далечинско управување, а кои всушност претставуваат возила дизајнирани како тенкови.
Резултатот покажа дека роботите ја забавија операцијата, но војниците биле побезбедни. Еден војник „загина“ во вежба во која не учествуваше Spot, а во втората прежива благодарение на извидничката мисија на Spot.
Сепак, како проблем се појави траењето на батеријата, бидејќи Spot се изгаси на половина вежба.
