Серијата „Bridgerton“ стана голем успех на Netflix, истовремено и една од најгледаните серии низ светот.
Но, меѓу останатото, за серијата најмногу се зборува и поради жешките секс сцени, а една од највпечатливите е онаа меѓу Сајмон и Дафне, која се одвива во библиотека.
Актерката Фиби Диневор за медиумите проговори за жешките сцени, за тоа како се снимени и како на нив гледаат нејзините блиски. Фиби вели дека секоја секс сцена е „специјално кореографирана“ за да им биде удобно на сите.
Ги вежбаме секс сцените, буквално точно знам каде мојот партнер во одреден момент ќе ја стави раката. Имаме и реквизити кои ги ставаме меѓу нас. На некој начин тоа беше посложена кореографија од нашата танц рутина, па всушност никогаш не се почувствував непријатно“, објасни актерката.
За сцените зборуваше и Џули Ен Робинсон, режисерка на серијата.
„Вежбавме со актерите, детално разговаравме за секоја сцена и одлучувавме за неа и за приказната што ја раскажува“, објасни таа и додаде дека имале и координаторка за интимност.
Кога станува збор за родителите на актерката, таа во интервју за Guardian вели:
„Среќна сум што мајка ми и татко ми ја познаваат оваа индустрија и знаат колку се трудев и колку ми значеше добивањето на таа улога“, откри -25-годишната актерка.
Но истото не може да го каже за другите членови од семејството.
„Но, не и моите баба и дедо, а што се однесува за мојот помлад брат, па малку е непријатно“, вели таа.
Серијата е инспирирана од романот на Џулија Квин, а дејството го следи животот на најстарата ќерка во семејството Бриџртон, нејзините доживувања во Лондон и желбата за брак. Покрај Фиби, во главната улога е Реге-Жан Пејџ, кој веќе се спомнува како наследник на Даниел Крег во новиот филм за Џејмс Бонд.