Сите вежби и активности немаат исто влијание врз телото и сигурно не трошат исто калории во даден временски период. Организирајте го вашиот тренинг така што ќе го извлечете максимумот од вежбањето и ќе го стопите вишокот килограми.
Со овие активности се трошат најмногу калории за еден час вежбање:
Трчање
Без разлика дали трчате на лента во теретана или уште подобро, во природа на чист воздух, трчањето има многу позитивно влијание врз телото и е една од најефикасните активности за топење калории и масно ткиво.
Скокање јаже
Скокањето јаже е една од најинтензивните форми на вежбање и горење калории. Не изгледа така, но всушност го активирате целото тело и мора да бидете концентрирани на вежбата. Видете ТУКА како да ги одбегнете најчестите почетнички грешки.
Бокс
Покрај тоа што е одличен тренинг за топење калории за кратко време, боксот исто така е добар „издувен вентил“ после напорниот ден.
Пливање
Со пливање исто така се активира целото тело, се трошат многу калории и исто така се затегнуваат мускулите додека истовремено уживате.
Трчање по скали
Оваа вежба не само што топи калории, туку и ви помага во формирањето цврсти мускули на нозете и го затегнува задникот. Добар почеток е да почнете да се качувате по скали наместо да користите лифт.
