26 годишниот пејач и композитор Ед Ширан се појавува во седмата и последна сезона на мегапопуларната серија „Game of Thrones“ и за своето искуство снимајќи ќе каже дека не било ништо посебно.
Ширан изјави дека снимале 10 часа во кочан ладни услови и не можел баш да се радува што е таму. Тој се појавува во сцена со Мејзи Вилијамс која ја игра Арија Старк.
„Не си облеков термо чорапи на снимањето и цел ден жалев за тоа. Снимавме 10 часа, мојата улога беше незначајна. Освен што разврзаме по некој муабет со Арија немаше ништо спектакуларно“ изјави Ширан за Entertainment Tonight.
„Луѓето си викаат „леле, леле Ед Ширан е во Game of Thrones со Арија Старк“ и кој знае што очекуваат да се случи. Јас само се појавувам“ додаде тој.