Како Сиријците го слават падот на Башар ал-Асад?

Десетици илјади луѓе се собраа денеска на плоштадите во сириските градови за да го прослават падот на диктаторот Башар ал-Асад, кој беше соборен во молскавична офанзива од сириските бунтовници.

Да потсетиме, офанзивата траеше помалку од 10 дена, а во неа бунтовничките сили ја освоија територијата од северната провинција Идлиб, преку големите градови Алепо и Хама, сè до главниот град Дамаск. Самиот Башар, кога бунтовниците влегувале во Дамаск, побегна со помош на руски агенти и сега е во Москва.

Водачот на Хајат Тахрир ал-Шам (HTS), бунтовничката група која го зазеде Дамаск минатата недела, ги повика Сиријците да излезат на улиците за да ја прослават „победата на револуцијата“, пренесува новинската агенција AFP.