Куркумата е способна да го опорави целиот организам, а освен за зајакнување на имунитетот се користи и за слабеење.
Како куркумата е поврзана со губење на тежината?
Со зголемено количество на масно ткиво во телото се создаваат воспалителни процеси. Силното и зголемено воспаление може да ја промени отпорноста на ткивата на инсулин, што го поттикнува телото да складира сѐ повеќе и повеќе калории во форма на маснотии.
Главната активна состојка во куркумата е куркуминот, кој делува на 2 начина:
- има термогенетски ефекти и природно ја зголемува внатрешната телесна температура. Ова го забрзува процесот на разградување на хранливите материи, особено мастите.
- Куркуминот во куркумата исто така го забрзува метаболизмот, а со тоа и варењето и брзината со која телото троши калории.
Куркуминот стимулира детоксикација на црниот дроб
Освен куркуминот, синергијата на сите состојки кои ги содржи куркумата влијае и на чистењето на целото тело, а пред сѐ на црниот дроб. За што е можно полесно да ослабеме, важно е нашиот црн дроб да биде исчистен бидејќи игра голема улога во согорувањето на мастите. Ако црниот дроб е преоптоварен, тогаш неговата работа се забавува, а со тоа забавува и согорувањето на мастите и губењето на тежината.
Како да користите куркума
Употребата на куркума е најлесна ако ја користите како зачин. Посебно се препорачува во комбинација со ориз, лиснат зеленчук и мешунки. Покрај тоа, куркумата најдобро се користи со црвено или бело месо.
Чај од куркума за побрз метаболизам
Доколку сакате да го забрзате метаболизмот и да го подобрите варењето и да го забрзате слабеењето, тоа можете да го постигнете ако пиете чај од куркума најмалку 5 дена. Подготовката на овој пијалак е многу едноставна.
Сѐ што ви треба се ¾ лажички куркума, 2 лажици домашен мед и 3 чаши вода.
Растопете ја куркумата во вода и варете ја додека количината на вода не се намали на 2 чаши. Потоа се цеди, се додава медот, по желба малку млеко и напитокот е готов.