Иако процесот на доење зависи од мајката, тоа не значи дека татковците треба да седат „скрстени раце“ додека мајката го храни бебето.
„Доењето може да биде застрашувачко за мајките, особено ако им е прво дете“, изјави педијатарот д-р Шарлин Сесини за Romper, додавајќи дека татковците исто така играат значајна улога за време на доењето.
„Треба да им се напомене на партнерите дека и тие играат важна улога во процесот на доење, а тоа е да им пружат поддршка на новите мајки на кои им е најпотребна. Особено во ноќните часови.“
Хранењето на бебето вклучува многу повеќе од доењето и намерата да го нахраните. И тука доаѓа таткото.
„Помогнете ѝ на мајката така што ќе ѝ подготвите шише вода, грицки, место за менување пелени“, вели Лили Скот, медицинска сестра и советник за доење.
Погрижете се за бебето пред спиење за да ѝ дадете време да ги задоволи нејзините потреби.
Приказната не застанува тука. Ако бебето и мама сè уште не влегле во рутина, партнерот може да помогне со зборови на поддршка.
„За време на хранењето, партнерот може да пружи емоционална поддршка и зборови на охрабрување“, вели Сесини.
Дополнителна опција за да ѝ се олесни ноќта на мама е да го нахраните бебето со шише измолзено млеко. Тато може да го преземе овој товар за да може мама да спие.