Возењето моторно возило додека сте уморни значително го зголемува ризикот од несреќи, што доведува до алармантен број на повреди и смртни случаи секоја година, пишува Sleep Foundation.
Иако нема точни податоци за тоа колку луѓе всушност редовно возат додека се премногу уморни, истражувањата покажуваат дека оваа појава е вознемирувачки честа.
Истражувањето на Националната фондација за спиење од 2005 година покажа дека 60 отсто од возрасните возачи изјавиле дека се чувствувале уморни барем еднаш. Исто така, податоците од истражувањето на CDC покажуваат дека еден од секои 25 возрасни лица заспал зад воланот во одреден момент од нивниот живот.
Неколку фактори можат да предизвикаат замор за време на возењето, како што се недостаток на сон, нарушувања на спиењето, консумирање алкохол, земање одредени лекови и во кој период од денот возите.
Студиите покажале дека несреќите поради замор зад воланот најчесто се случуваат помеѓу полноќ и шест часот наутро или во средината на попладневните часови.
Како да ги препознаете знаците дека сте премногу уморни за да возите?
Експертите објаснуваат дека можете сами да препознаете дали сте премногу уморни за возење, особено ако одите на долго патување.
Знаците кои ни ги испраќа телото се:
често проѕевање
силно чувство на замор
триење на очите или зачестено трепкање
ненамерно преминување во другите ленти
неможност да се сетите на рутата
тешкотии во одржувањето на соодветната брзина
ненадејни морници и тресење
често мрдање во седиштето.
