Половина Европа е под силна бура, а кај нас и пошироко, сите мака мачат со изговорот и правилното пишување на бурата која го носи името Ciara.
Ниту првото, ниту второто, ниту третото. Сите се погрешни. Името на бурата кое се пишува Ciara не е англиско, туку е ирско, односно припаѓа на гојделската група на келтски јазици. Се изговара Кира и токму затоа Ирците деновиве се нервираат бидејќи некој не се труди да го изговара/пишува онака како што е правилно.
Кира е многу популарно женско име во Ирска, додека машката верзија е Киран (Ciarán). Во превод значи „темнокос/а“. Во 7. век во Ирска живеела девојката Кира која подоцна од Ватикан била прогласена за светица. Нејзиниот празник се празнува на 15 март, а фестивал во нејзина чест во Ирска се одржува на 2 јули.
Имињата на бурите за 2019 и 2020 година кои ќе ја зафатат Европа, а доаѓаат од Ирска и Велика Британија, се избрани од меторолошките станици на Англија и Ирска, односно Met Office и Met Éireann.