Јавната бета на iOS 11 оперативниот систем конечно е достапна за сите. Во продолжение, инструкции како да ја инсталирате.
Доколку користите iPhone, iPad или iPod, веројатно сте нестрпливи да ѕирнете што сè добро и лошо ќе донесе iOS 11, кој беше претставен на почетокот на месецов. Ќе можете да го направите тоа, доколку користите некој од следниве уреди:
- iPhone 5S, 6, 6 Plus, 6S, 6S Plus, SE, 7 и 7 Plus
- iPad Air и Air 2, iPad Mini 2, 3 и 4, петтата генерација на iPad и сите iPad Pro уреди
- Шестата генерација на iPod уредите
Потребно е да отидете на beta.apple.com, да регистрирате профил, да го внесете својот Apple ID и да се регистрирате за бета програмата. Потоа, на уредот во Settings > General > Software Update би требало да ја здогледате iOS 11 инсталацијата, доколку сè поминало како што треба.
Инсталирајте го софтверот регуларно, како кога инсталирате понова верзија, претходно бекапирајќи ги важните работи во iCloud или преку бекап на компјутер.
Според коментарите за првата јавна бета на iOS 11, поголеми пропусти и багови нема.
