Британскиот произведувач на суперавтомобили, McLaren, бележи најдобри резултати во својата историја, откако само минатата година испорачаа 3.340 возила.
Откако од компанијата во Вокинг, се концентрираа на производство на автомобили за обични патишта, McLaren постепено станува заштитен знак за класата на суперавтомобили.
Секој McLaren модел се изработува рачно, а дневно се склопуваат околу 20 автомобили.
Компанијата одлучи со кратко видео, да ни прикаже како всушност изгледа тој процес.
Главните луѓе во McLaren имаат големи амбиции, односно планираат лансирање на 18 сосема нови модели до 2025 година и во тој период да ја електрифицираат својата целосна гама.
Љубителите на суперавтомобили, со посебно нетрпение го очекуваат наследникот на легендарниот F1, кој е најавен под кодно име BP23.