Принцезата Шарлот се појави во црвените чевлички на принцот Хари од 1986 година и тоа не е е прв пат мајка ѝ, војвотката Кејт, да рециклира веќе носена облека во кралското семејство.
Војвотката Кејт носеше прекрасен бел дводелен комплет, а малата принцеза црвено-бел цветен фустан во комбинација со црвени чевлички, во чест на полското знаме, кога кралското семејство завчера ја посети Полска. Чевличките се препознатливи: принцот Хари ги носеше кога беше на нејзина возраст пред повеќе од 30 години, фотографиран со татко му Чарлс во Хајроув на 14 јули, 1986 година.
Ова не беше прв пат Кејт да ја дотера ќерка си во нешто што веќе го носел некој член на кралското семејство, со што само ја потврдува нејзината философија на рециклирање облека и почитување на семејното наследство наспроти слепо следење трендови и трошење пари за облека.
Шарлот лани на посетата на Канада го носеше истото темносино џемперче во кое беше фотографиран брат ѝ Џорџ кога татко му го носеше во болница да ја види сестричката за прв пат во мај, 2015 година.
Црвените шорцеви, пак, што Џорџ ги носеше на крштевката на сестра му Шарлот, веќе ги знаеме од 1984 година: татко им принцот Вилијам ги носеше кога него го носеа да го види брат му принцот Хари во болница по раѓањето.
Принцот Џорџ исто така го носеше истиот комплет како татко му на првото појавување на балконот на Бакингемската палата во чест на роденденот на Кралицата. Тоа е вистинското семејно богатство.