Кинескиот долар привлекува благосостојба, а еве како да го негувате во зима и да му овозможите подобро да расте.
Собното растение за кое се смета дека привлекува пари е убава декорација на домот, а ни го дава и тој магичен впечаток дека со одгледување на цветно или друго растение во саксија ќе привлечеме среќа и благосостојба. Меѓу најпопуларните токму таканареченото кинеско растение за пари, познато како кинески долар и чие вистиснко име е Pilea peperomioides. Се нарекува уште и Мисионерско растение или Медалјон.
Ричард Чешир е професионален градинар и има одлични совети како да ја одржувате ова растебие бујно и здраво дури и во текот на зимата. Знаеме дека премногу сончева светлина ќе го исуши, но што да правиме во зима кога нема многу светлина и не сме сигурни со колку често треба се полева?
„Ако премногу често го полевате неговите лисја ќе станат кафеави или жолтеникави, поради што ќе мислите дека се суши и ќе додадете повеќе вода“, предупреди тој.
„Ѓубривото сипајте му најмногу еднаш месечно, а растението полевајте го само кога почвата целосно ќе се исуши“, советува експертот.
Друг трик, особено ако го чувате блиску до извор на светлина, е да ја завртите саксијата. Растението кое постојано гледа во иста насока од едната страна ќе добива повеќе светлина, па затоа на неколку дена треба да му ја вртите саксијата неколку степени.
„Кинескиот долар најдобро успева во услови на умерена светлина, затоа не ја изложувајте директно на силно сонце. Нека биде во просторија која добива природна светлина, но не и во на удар на сончевите зраци“, додава тој.
Ова домашно растение потекнува од Јужна Кина и има прекрасни тркалезни лисја во светлозелена боја, малку специфични - оттука и неговото име. Во Европа се раширило благодарение на норвешкиот мисионер Агнар Еспегрин кој донел садници од Кина.