Објавен е уште еден трејлер за филмот „Spencer“, инспириран од животот на принцезата Дијана. За нешто повеќе од две минути, за првпат е можно да се слушне гласот на Кристен Стјуарт, а многумина веќе шпекулираат дека оваа улога на младата актерка ќе ѝ донесе и номинација за Оскар.
Во трејлерот, можеме да видиме како Дијана се спротивставува на кралските традиции, но и како изгледал животот на принцезата во време кога нејзиниот брак со принцот Чарлс пропаѓал. Покрај тоа, прикажана е нејзината грижлива, мајчинска страна и посебниот однос со синовите Вилијам и Хари.
Сценариото за филмот го напиша Стивен Најт, додека режисер е Чилеанецот Пабло Лараин. Премиерата на филмот беше на CinemaCon, а потоа и на филмскиот фестивал во Торонто. Според Entertainment Weekly, во кино салите ќе пристигне во ноември годинава.
Бројни филмски критичари веруваат дека овој ангажман на младата актерка ќе 1 донесе прва номинација за Златна статуетка, но има голем број од оние кои не се воодушевени од нејзината изведба. Филмот е оценет со 91% на Rotten Tomatoes, додека на IMDB има оценка од само 6,5 од можни 10.
Животот на принцезата Дијана е посебен извор на инспирација за филмските професионалци ширум светот. Документарци што се занимаваат со оваа тема разработена од различни агли се достапни на голем број стриминг-платформи, а серијата „The Crown“ на Netflix, која исто така се занимава со британското кралско семејство, доби посебна популарност во последниве години.