Италијанскиот производител на луксузни автомобили со високи перформанси почна со тестирање на својот прв 100% електричен погонски систем.
Во рамки на плановите за електрификација, Maserati ја почна фазата на тестирање на своите електромотори со кои во иднина ќе бидат опремени моделите од овој автомобилски бренд.
Изработени се експериментални возила опремени со новиот електричен и иновативен погонски систем со 100% Maserati технологија.
Овие возбудливи новитети се одвиваат во центарот за иновации Innovation Lab во Модена.
Моќност, ама и звук
Електричните модели на автомобилите ќе го имаат оној препознатлив звук, кој веќе е специфична одлика на сите автомобили Maserati опремени со класични мотори со внатрешно согорување.
На овој начин, купците ќе може да уживаат во возило на електричен погон кое пружа уживање во возењето, удобност, моќни перформанси, во пакет со специфичниот, препознатлив звук што може да го чуете во следното видео:
Во поглед на тоа кои модели први ќе добијат електрична верзија, Италијанците немаат големи изненадувања – новите Maserati GranTurismo и GranCabrio е бидат првите автомобили од овој бренд со 100% електричен погон, а ќе се произведуваат во фабриката во Торино.
Првите примероци би требало да ги видиме во 2021 година.
