Според експертот за долговечност Ден Батнер, постои чај од билки што го пијат најдолговечните народи во светот.
Тој проучувал пет локации во различни делови на светот на кои луѓето живеат најдолго и се најздрави, познати како „сината зона“.
Батнер забележал дека некои заедници пијат посебни растителни чаеви. Со оглед на тоа дека не можеле да си дозволат кафе, отсекогаш ги пиеле тие чаеви. Ги пијат секој ден и тоа со години, децении, што веројатно придонесува за нивната долговечност.
Кај луѓето кои живеат во „сините зони“ забележал специфична билна мешавина која делува одлично на здравјето.
Тој го открил рецептот за чајот за долговечност, а билките веројатно ги имате дома па може да си пиете и вие. Станува збор за чај од мешавина на оригано, жалфија и рузмарин, секоја од тие три билки делува противвоспалително. Исто така, делуваат диуретички па можат да помогнат во намалување на притисокот.
Значи, потребно е да направите чај од сите три билки и секој ден да го пиете, советува Батнер.
Студиите покажаа дека флавоноидите и фенолната киселина во ориганото помагаат во регулирање на воспалителните состојби во телото. Слично делува и чајот од рузмарин, познат по антимикробните својства. Жалфијата го регулира нивото на шеќер во крвта, пишува Mind Body Green.