Каков татко, таков син: Етјен Ето дебитираше со гол за Рајо Ваљекано

Синот на легендарниот камерунски напаѓач Самуел Ето, Етјен, полека чекори по фудбалскиот пат кој го со успех одеше неговиот татко.

Натпреварот меѓу шестолигашот Виљамуриел и Рајо Ваљекано во Копа дел Реј резултираше со гол на дебито на младиот Етјен Ето во првиот тим на членот на шпанската Ла Лига.

Етјен е роден во Мајорка, а веќе настапуваше за младинската репрезентација на Камерун. Има 22 години и до сега беше член на Б тимот на Рајо Ваљекано.

Етјен играше во јуниорските категории за Мајорка, Атлетико, Овиедо, Гимараиш, а од летово го носи дресот на клубот од шпанската престолнина.