Здравје

Каква штета на организмот предизвикува прекумерниот внес на маснотии?

12. декември 2019 - 14:50 | М.С.

Прекумерното ниво на маснотии во крвта може да предизвика оштетување на органите, а ова се резултатите од новата студија која е спроведена во Германија.

Истражувачите открија дека високото ниво на липидите (мастите) во крвта може да доведе до воспалeние во организмот, а со тек на времето до сериозни последици како што е оштетување на органите.

Воспалението може да биде причина за појава на дијабетес, кардиоваскуларни проблеми и прекумерна дебелина.

Еден од најголемите причини за воспаление е инфекцијата. Кога телото ќе почувствува дека во него влегуваат опасни микроогранизми како што се бактериите, тоа се обидува да одговори на нив. 

Ваквиот пресврт е природен и обично помага во одржување на здравствената состојба. Меѓутоа, понекогаш воспалението не се јавува поради инфекција и може да доведе до различни видови на оштетувања.

Во новата студија објавена во списанието Nature Immunology Trusted Source, докторот Тимо Спир и неговиот тим од истражувачи велат дека воспалението го предизвикува големото ниво на триглицериди во крвта.

Студијата исто така ги откри и механизмите со помош на кои високото ниво на маснотии во крвта може да доведе до воспаление кое може да влијае и на другите биолошки процеси и да доведе до оштетување на органите.

„Нашето истражување проучуваше три групи на триглицериди. Успеавме да покажеме дека кога овие масти се присутни во зголемена концентрација, тие можат да ги сменат нашите одбрамбени ќелии на таков начин како што телото реагира на бактериски инфекции“, појасни докторот.

Исто така треба да внимавате дали имате исхрана која влијае на зголемување на нивото на маснотии во крвта.

Диетите кои подразбираат консумирање храна со ниска масленост може да го продолжат животниот век на пациентите, како оние што имаат дијабетес и висок крвен притисок.

Спир и неговите колеги се надеваат дека нивните резултати ќе им помогнат во развојот на нови стратегии на лечење и спречување на болести опасни по живот.

Коментирај