Човекот, кој голем дел од неговата професионална кариера ја основа на антагонизам кон САД, во приватниот живот обожава да чита американски писатели.
Рускиот претседател Владимир Путин во последнава година, поради војната во Украина, постојано е главна тема во светската јавност. На власт е од 2000 година и во улогите на претседател и премиер на земјата се задржа најдолго уште од времето на советскиот диктатор Јосиф Сталин.
Нападот на Украина е врвот на неговиот конфликт со Западот, особено со САД. И покрај неговата нетрпеливост кон „вечниот ривал“, Путин ги обожава американските писатели.
Тоа го откри во текот на 2011 година, за едно интервју за „Outdoor Life“, списание специјализирано за лов, риболов, кампување и преживување во природа.
Од тројцата омилени автори кои ги спомена во тоа интервју, само Жил Верн е Европеец. Вторите двајца се американските писатели Ернест Хемингвеј и Џек Лондон.
„Главните ликови во неговите книги се претставени како храбри и снаодливи луѓе кои се впуштаат во многубројни авантури, а дефинитивно го обликуваат мојот дух и ја распламтија мојата љубов кон природата“, објасни Путин за „Outdoor Life“.
Изјави дека ги преферира романите на Хемингвеј кои не се за лов. Омилени книги му се „За кого бијат камбаните“, „Збогум на оружјето“ и „Старецот и морето“. Сите овие романи не се за храбри авантуристи, туку за мрачни, скршени луѓе.
Иако ова интервју можеби е дел од добар ПР потег, со однапред осмислени одговори, сепак изгледа дека неговото мислење за американската литература е искрено.
