Сондата InSight која од минатата недела се наоѓа на површината на Марс, сними звуци на марсовски ветер и татнежи со ниска фрекфенција.
Центарот за развој на НАСА завчера ја објави снимката.
Се проценува дека ветрот бил со брзина од 16 до 24 км/ч, а научниците нагласуваат дека се работи за првите звуци од Марс што може да ги регистрира човечкото уво.
„Ме потсетува на седење надвор во ветровито летно попладне. Вака би звучело да седите внатре во сондата InSight на Марс“, рече Дон Бенфилд, научник од универзитетот Корнел.
Научниците вклучени во проектот се согласуваат дека звукот има „вонземски карактеристики“.
Томас Пајк од Империјалниот колеџ во Лондон вели дека звуците се „прилично различни од сѐ што сме доживеале на Земјата.“
Звуците ги прави ветерот што дува во соларните панели на InSight и предизвикува вибрирање на целата вселенска сонда.
InSight слета на Марс на 26 ноември.
Ставете слушалки и уживајте:
