Од Германија стигнува уште една снимка во која „за влакно“е одбегнат тежок инцидент на дел од автопатот без ограничувања на брзината.
Неодамна можевме да видиме како реагираше возачот на Golf GTI кога го „пресече“ друг автомобил со брзина од 240 км/час, а сега нешто слично му се случи и на возач на BMW М4.
И во овој случај беше избегната трагедија за малку, а за среќа, станува збор за квалитетно возило со неверјатни сопирачки, а и возачот на BMW реагираше трезвено и смирено. Тој го снима целиот настан, а во описот на видеото ги посочи грешките на сите тројца учесници во инцидентот, со намера другите возачи да извлечат поука.
Според него, сè се случило на делот од автопатот А5, на делот без ограничување на брзината, кој има четири сообраќајни ленти во секоја насока. Неговата грешка е што не возел побавно, бидејќи со брзина од 280 километри на час, времето за реакција е навистина мало ако нешто тргне наопаку.
Тој посочува дека втората грешка ја направил возач на автомобилот Mazda кој не проверил/проценил што се случува зад него на автопатот пред да почне да го престигнува возилото Ford, а освен тоа, не смеел да помине толку нагло од втората во четвртата лента.
На крајот, возачот на BMW не го амнестира ни третиот учесник, возачот на Ford кој, според него, требало да ја искористи втората лента од левата страна и да ги ослободи третата и четвртата за движење/претекнување на автомобилите што се движат многу побрзо.
Дали се согласувате со неговата проценка и кој според вас е најголемиот виновник за инцидентот?
