Првите станици за промена на батеријата ќе бидат инсталирани во ноември оваа година.
Renault пред неколку дена соопшти дека размислува за замена на батериите на електричните автомобили. Со тој проект, францускиот производител започна уште во 2010 година, но брзо го згасна.
Во меѓувреме, кинескиот производител Nio го лансираше својот електричен SUV ES8 во Норвешка и најави изградба на четири станици за промена на батериите на возилото. Принципот е едноставен - вие го паркирате автомобилот во одредена зона каде што празната батерија автоматски се заменува со полна.
Сега, кинеската компанија Geely, која е сопственик на брендовите Volvo, Nia и Beijing Electric Vehicle, најавува изградба на голема мрежа на станици за замена на батерии за електрични возила.
До 2023 година се очекуваат 200 станици, но многу скоро уште нови 1.000 станици.
Станиците што ќе ги постави Geely ќе ви овозможат да ги замените празните батерии за точно 1 минута. Тоа е практично помалку од времето што го поминувате на една бензинска пумпа за да го наполните цел резервоар со гориво.
Инсталирањето на првите станици за промена на батеријата во Кина започнува во ноември оваа година.
