Календар за прихрана: Каква храна да му давате на бебето по месеци?

Бебињата треба постепено да се запознаваат со цврстата храна. По мајчиното млеко и формулата за адаптирано млеко, околу шестиот месец од животот на бебето е време за цврста храна.

Секако, секое дете е различно, така што временскиот период за воведување цврста храна ќе биде различен.

Календарот за прихрана служи за олеснување на внесувањето цврста храна во исхраната, односно родителите да знаат со што да почнат и како да воведат одредени намирници по месеци.

Како да знаете дека вашето дете е подготвено за цврста храна?

Ако детето може да ја држи главата исправена и стабилна, ако може да седи со или без потпора и ако постојано ги става рацете или играчките во уста, тоа значи дека детето е подготвено за прихрана. Исто така, друг знак е кога детето само ја отвора устата кога внесува храна. Пред воведување цврста храна, неопходно е да се консултирате со педијатар.

Како да внесете цврста храна во исхраната на детето?

Важно е да се воведуваат намирниците една по една на неколку дена, за да можат родителите да видат како детето реагира на одредена храна и дали ќе се појави алергиска реакција во форма на осип, дијареа или повраќање. На почетокот на детето му се дава каша од овошје за да се навикне на новиот вид на храна, но и за да не се задуши. Важно е на почетокот да се дава незачинета храна, без сол и шеќер.

Детето може прво да ја одбие кашата бидејќи е нова текстура. Во овој случај, треба да почекате неколку дена со воведувањето на цврста храна и да се обидете повторно следниот ден и да бидете упорни.

Зошто е важен календарот на прихрана?

Календарот за прихрана им го олеснува хранењето на родителите. Детето до шест месеци треба да се храни со два оброка со цврста храна, при што детето добива две до четири лажици со секој оброк. Од седми до 12-ти месец на детето му се даваат три оброци, а оброците тогаш се со големина на детска дланка.

Календар на прихрана по месеци

Од 4 до 6 месеци

Во овој период на децата треба да им се даваат полнозрнести житарки измешани со мајчино млеко, формула или вода. На овој начин детето ќе добие доволно количина на железо што му е потребна.

Од 6 до 8 месеци

Во овој период се внесува свежо овошје кое е претходно варено во вода додека не омекне. Овошјето потоа се сечка во блендер со додавање на вода, мајчино млеко или формула и се служи во форма на каша. Со текот на времето, течноста се исфрла од овошјето, па текстурата ќе биде поцврста. Освен тоа, на ист начин може да се подготви и зеленчук како морков, грашок и компир. Во текот на овие месеци детето може да почне да јаде варено пилешко или друго месо и риба во мали количини.

Од 8 до 10 месеци

Сега детето може да јаде овошје што повеќе не треба да се вари, како и кајгана од јајца, разни крекери и тестенини. Може да почне да јаде и сирење и јогурт во помали количини.

Од 10 до 12 месеци

Едногодишно дете може да јаде речиси секаква храна, ако е ситно исечкана.

На што треба да се внимава во календарот за прихрана?

Меѓутоа, во првата година треба да се избегнуваат одредени намирници, како што се: мед од кој може да се разболат со ботулизам, кравјо млеко, јаткасти плодови, суво грозје, семки, грозје, пуканки и тврди бонбони или храна која може да го задуши детето. Одредена храна може да предизвика алергиска реакција кај децата, па затоа треба да се воведува само по друга храна и да се следи ситуацијата. Тие вклучуваат: кикирики, млеко, пченка, одредени морски плодови, соја, сусам, глутен.

Одредени намирници може да предизвикаат запек кај детето, така што овие намирници треба да се исфрлаат некое време додека варењето не се врати во нормала.

За да им се олесни воведувањето цврста храна на родителите, постојат неколку апликации кои точно прецизираат која храна е соодветна за која возраст. Во апликациите може да се внесат месеците на детето, а може да се најдат и рецепти.

Заклучок

Воведувањето цврста храна во исхраната на детето е сложен процес. За да се олесни ова, се користи календар кој советува и препорачува каква храна може да јаде вашето бебе на која возраст. На овој начин адаптацијата на новата текстура и вкус на храната ќе биде полесно и без несакани последици.

реклама

САД ѝ го блокираа на Русија плаќањето на долговите, ја принудуваат на банкрот

Read more

Брозовиќ на суд ја демантираше аферата со Ванда Нара: Имав проблеми со сопругата

Read more

Кои хороскопски знаци ќе ја запознаат љубовта на својот живот до крајот на мај?

Read more

Елитните руски специјалци трпат тешки порази, вели британското разузнавање

Read more

Живот

Родителски совети кои никогаш не треба да ги слушате

Read more

5 знаци дека сте поинтелигентни отколку што мислите

Read more

Како сами да го решите дефектот на одводот и да заштедите пари?

Read more

Кои здравствени проблеми жените најретко ги пријавуваат кај шефовите?

Read more
 

Магазин

Природни средства со кои може да се ослободите од мравките во домот

Читај повеќе

10 болести кои ги наследуваме од мајката

Читај повеќе

Кои хороскопски знаци ќе ја запознаат љубовта на својот живот до крајот на мај?

Читај повеќе

Скриени состојки во храната од кои се дебелеете

Читај повеќе

Болки што укажуваат дека имате висок холестерол

Читај повеќе

Родителски совети кои никогаш не треба да ги слушате

Читај повеќе
  • play_arrow

Неочекувани фејлови, смешна компилација

Читај повеќе

Јапонците направија „машина за соништа“: Како да гледате видео

Читај повеќе

Кои се симптомите на мајмунски сипаници?

Читај повеќе