Потпретседателката на САД и демократска претседателска кандидатка даде интервју за радиото ABC во кое зборуваше за нејзината кампања.
Оваа недела Харис се соочи со својот противник, поранешниот републикански претседател Доналд Трамп, каде, според повеќето аналитичари, оставила подобар впечаток. Харис моментално води и во анкетите, иако разликите се премали за да се земат со сигурност.
Харис беше прашана како планира да ги намали цените за американските граѓани. Инфлацијата се намалува откако на почетокот на администрацијата на Бајден се искачи на највисоко ниво во последните 40 години, иако невработеноста падна на историски ниски нивоа.
Таа рече дека ќе им даде на сопствениците на мали бизниси даночен кредит за почеток од 50.000 долари и аванс од 25.000 долари за оние што првпат купуваат домови. Таа не појасни колкава ќе биде цената на буџетскиот план и кој би можел да аплицира за користење на овие мерки, јавува BBC.
Минатиот месец, Харис предложи „прва федерална забрана за зголемување на цените на храната“, иако таа не ја спомна таа идеја во интервјуто. Овој потег наиде на критики од некои економисти и деловни групи, при што Трамп го спореди со советски стил на контрола на цените.
Харис, исто така, рече дека го поддржува уставното право да се носи оружје, но сака да се забрани полуавтоматското оружје.
„Силно чувствувам дека е во согласност со Вториот амандман и правото да се носи оружје да се каже дека ни е потребна забрана за јуришно оружје“, рече таа. „Тоа е буквално алатка за војна“, додаде таа.
Харис потоа го критикуваше Трамп, велејќи дека на американскиот народ му треба некој кој ќе ја обедини земјата, за разлика од него за кој таа рече дека „се обидува да ги натера Американците да покажат прст еден кон друг“.
Харис го повтори и своето тврдење од дебатата дека таа не е Џо Бајден, туку дека е независен политичар со своја визија за земјата. За потсетување, Камала Харис стана кандидат на Демократската партија откако Бајден се повлече од трката во јули по критиките за неговата лоша ментална состојба и неможноста да ги извршува своите должности.
