Примероците кои од површината на Марс ги собра роверот Perseverance откриваат геологија на кратер за кој научниците сметаат дека пред неколку милијарди години содржел микробен живот.
Истите примероци покажуваат дека камења од четири локации во кратерот Језеро настанале со ладење на растопен материјал. Камењата покажуваат и промени поради изложеност на вода, што е уште еден показател дека Марс порано бил топол и воден.
Научниците веруваа дека камењата, настанати пред околу 3,5 милијарди години, се седименти формирани како кал и песок на дното на езеро. Но, открија дека дното на кратерот е формирано од вулкански камења.
„Всушност, не најдовме никакви докази за седиментирани карпи таму каде што роверот го истражуваше дното на кратерот. И покрај фактот дека знаеме дека кратерот порано имал езеро и дека морало да се таложат седименти. Тие наслаги веројатно еродирале“, вели геохемичарот Кенет Ферли, автор на една од четирите студии објавени во спиаснијата Science и Science Advances, во кои се опишува геологијата на кратерот.
Perseverance на Марс стигна во 2021 година и од тогаш постојано делува во кратерот Језеро, истражувајќи дали порано имало услови за живот.
Роверот собира примероци од камења кои во 2033 година ќе ги собере друго вселенско летало и ќе ги врати на Земјата за понатамошни истражувања.
