Шокантно видео доаѓа од Русија каде млад голман бил погоден од гром за време на тренинг.
Се работи за 16-годишниот Иван Заборовскиј, голман на Знамја Труда, третолигаш од индустрискиот град Орехово-Зуево близу Москва.
Снимката која излезе на Twitter го прикажува Иван како се загрева пред почетокот на тренингот на неговиот тим и во еден момент кога оди да упати удар на празниот удар го удира гром. Неговите соиграчи во моментот се загреваат крај аут-линијата.
Младиот голман веднаш бил префрлен во болница каде бил примен во сериозна состојба и бил ставен во вештачка кома. Подоцна клубот излезе со соопштение дека неговата состојба е подобрена и освен претрпените изгореници, нема опасност по неговиот живот.
„Сѐ се случи брзо, многу професионално, брзата помоп пристигна за 8 минути. Тој веројатно престанал да дише, му пружија прва помош, па веројатно поради тоа и остана жив“, изјави Игор Мајоров, генерален директот на клубот.
Руската јавност го критикуваше клубот дека држел тренинг-сесија под нестабилно небо, што Мајоров демантираше: „Небото беше чисто, иако облачно, ниту врнеше ниту пак дуваше ветер. Да имаше грмотевици немаше да тренираме, тренерот ќе ги однесеше играчите во теретаната“.
Поддршка за брзо опоравување до Заборовскиј упатија играчите на московски Локомотив преку Twitter и тоа Гиљерме, Антон Коченков и Никита Медведев: