Сите возачи на Формула 1 болидите во новата 2023 сезона ќе имаат минијатурни камери во своите кациги кои на гледачите крај малите екрани ќе им помогнат да го видат сето она што го гледаат возачите за време на управувањето на тркачките болиди.
Формула 1 потпиша договор со Racing Force Group за користење на камерите Driver’s Eye во сезоната 2023.
ФОМ екпериментираше со овие камери во последните неколку сезони, а фановите и ТВ куќите беа одушевени од резултатите. Меѓутоа, ФИА се сомневаше дека овие камери може да бидат опасни во случај на карамбол и удар во кацигата на возачите.
Сега и тие сомневања се побиени. Во сезоната 2023 камерите ќе бидат минијатурни - ќе тежат само 1,43 грама, дијаметарот на леќата ќе биде само 8 милиметри, додека камерите ќе бидат вградена во внатрешниот заштитен слој на кацигите во просторот меѓу очите на возачите.
Дефинитивно нѐ очекува возбудлива сезона, која почнува со Големата награда на Бахреин на 5 март.