Во сосема неочекуван потег што сигурно ќе одушеви бројни фанови ширум светот, холивудската актерка Камерон Дијаз потврди дека излегува од пензија.
Таа ќе глуми заедно со Џејми Фокс во филм на Netflix кој се чини дека е совршено насловен за неа: „Back In Action“.
Засега не се знаат многу детали за филмот, само дека станува збор за „акциона комедија“ и треба да биде режиран од Сет Гордон, кој ја режираше комедијата „Horrible Bosses“.
Дуото глумеше во филмот „Any Given Sunday“ од 1999 година, спортска драма во која глуми и Ал Пачино - а Фокс и Дијаз сега повторно ќе се обединат за потфатот на Netflix кој треба да започне со продукција подоцна оваа година.
Веста беше објавена на навистина возбудлив начин - Џејми Фокс објави снимка од телефонски разговор со Дијаз, во кој ја вклучува американската спортска ѕвезда Том Брејди чија задача е да ѝ даде совет на Дијаз како да „излезе од пензија“.
„Релативно сум успешен во откажувањето од пензија“, се пошегува Брејди и е во право. НФЛ ѕвездата најави дека се пензионира и потоа се врати од пензија 40 дена подоцна.
Потврдувајќи ја веста, Дијаз во стори на Instagram објави: „Џејми Фокс, само ти можеше да ме вратиш во акција!!! Не можам да дочекам, ќе биде супер!“
