Француската компанија Gaussin ќе го испрати камионот H2 Racing Truck на релито Дакар што се одржува во јануари и максимално ќе ја тестира својата технологија за возење на водород.
Главната вест за тркачкиот камион H2 е дека работи на водород, дизајниран е од компанијата Pininfarina, а своите способности ќе ги покаже на релито Дакар во јануари 2022 година.
Камионот е производ на француската транспортна компанија Gaussin, која има за цел да ја демонстрира моќта на својата нова водородна платформа на Дакар. Таа платформа ќе се користи за голем број патни камиони и шлепери од 2022 година, а секоја каросерија ќе биде дизајнирана од Pininfarina.
H2 Racing Truck е најмоќниот камион на водород во светот, придвижуван од два електрични мотори кои испорачуваат по 400 КС и се напојува со батерија од 82 kWh. Камионот има резервоар за 80 кг водород.
Максималната брзина е ограничена на 140 км/ч според правилата на релито Дакар, а досегот со едно полнење на батеријата е 250 км. Потребни се околу 20 минути за повторно полнење.
H2 Racing Truck е регистриран и легален за движење по патишта.
