Лондон, 8 јануари 2021 (МИА) – Градоначалникот на Лондон, Садик Кан, денеска изјави дека COVID-19 е „надвор од контрола“ во главниот град на Велика Британија.
– Се плашам дека овој вирус е надвор од контрола, изјави Кан и додаде дека лондонските болници може да останат без бесплатни кревети.
Кан за BBC изјави дека во некои делови на Лондон, секој 20-ти човек е заразен со COVID-19.
Градоначалникот им порача на граѓаните на Лондон дека најдобриот начин да им се помогне на здравствените служби е да останат дома.
Кан денеска прогласи вонредна состојба во Лондон, град што се бори со се поголем број случаи на COVID-19, додека болниците се обидуваат да се справат со големиот прилив на пациенти.
Велика Британија соопшти за 1.325 нови смртни случаи како резултат на COVID-19, што е највисок дневен биланс од почетокот на пандемијата, додека 68.053 лица се новозаразени со вирусот.
Најголем број смртни случаи од COVID-19 за еден ден претходно беа пријавени на 21 април, кога 1.224 лица го загубија животот поради вирусот.