Кошаркарската репрезентација на Канада остана без својата најголема ѕвезда пред настапот на Светското првенство во Кина.
Имено, играчот на Њујорк Никс, Ар Џеј Берет го откажал настапот поради повреда на мускулите и сака целосно да се посвети на опоравувањето пред стартот на својата прва НБА сезона.
Берет беше избран како трет пик од Никс и важи за еден од најталентираните кошаркари на новата генерација, а тоа го докажал преку успесите кои ги постигнал во младинските категории.
И покрај тоа што нема да биде на СП во Кина, неговата репрезентација сепак има одличен тим, во кој се наоѓа Џамал Мареј, Тристан Томпсон, Кајл Витлер.
Канада на СП во Кина е во група со Сенегал, Литванија и Австралија.
