Канадската влада соопшти дека ќе одговори на американските царини со мерки во вредност од 28,9 милијарди канадски долари (20 милијарди долари).
Ова се случи откако САД претходно воведоа царини од 25 отсто за канадскиот челик и алуминиум. Канадскиот министер за финансии и меѓувладини прашања Доминик Лебланк истакна дека станува збор за реципрочни мерки.
Меѓу американските стоки кои ќе подлежат на царини се спортска опрема, компјутери и производи од челик. Лебланк истакна дека ова се мерки кои претставуваат чекор кон ублажување на негативните последици од американските царини врз канадските работници и компании.
„Ќе ја користиме секоја алатка што ни е на располагање за да ги одбраниме канадските работни места и канадските компании во овие предизвикувачки времиња“, рече тој.
Канадската министерка за надворешни работи Мелани Џоли рече дека ова ќе биде „секојдневна борба“. Таа, исто така, се осврна на спомнувањето на Канада како 51-ва држава од страна на американскиот претседател Доналд Трамп, велејќи дека тоа е безбедносно прашање. Имено, како што истакна таа, се чини дека ова произлегува од желбата на Трамп да ја анектира Канада преку економска принуда.
Џоли им кажа на Американците дека Канада е нивниот најдобар пријател, најдобар сосед и најдобар сојузник. Понатаму, како што истакна таа, Канада е најдобар и најголем клиент во Америка, пренесува BBC.
