Пратеник од Канада стана хит на интернет откако на виртуелен состанок преку Zoom се појави целосно гол.
Пратеникот Вилијам Ејмос, кој е претставник на делови од Квебек, е забележан целосно гол во текот на состанок на пратениците на Долниот дом.
Видеото од состанокот во живо беше јавно емитуван, Ејмос не зборуваше во него, но заборавил да ја исклучи камерата кога тргнал да се пресоблекува. 46-годишниот пратеник е оженет и е татко на две деца. Тој јавно се извини поради несреќната грешка.
„Моето видео остана вклучено додека се пресоблекував по трчање. Искрено им се извинувам на моите колеги во Долниот дом поради оваа ненамерна дистракција. Очигледно е дека тоа беше искрена грешка и нема да се повтори“, изјави тој.
Неговата појава на Zoom предизвика бројни шеги и меѓу пратениците.
„Видовме дека колегата е во одлична физичка форма, но мислам дека членовите треба да ги потсетиме да бидат внимателни и добро да ја контролираат камерата“, се пошегува пратеничката Клод Дебелфеј.