Канадскиот олимписки скијач Крис дел Боско доживеа страшен пад за време на трката од ски-крос натпреварувањето на Зимските олимписки игри во Пјонгчанг.
Дел Боско во еден момент изгуби контрола над телото и од висина од преку 30 метри падна на патеката, тотално неподвижен, при што се здоби со тешки повреди.
По првичните прегледи беше утврдено дека тој ја скршил карлицата и заработил уште неколку сериозни повреди по целото тело, а по деталните прегледи ќе биде познато уште колку време ќе мора да мирува.
Исклучително трауматичната сцена за гледачите продолжи кога Канаѓанецот продолжи да лежи неподвижен на земја додека болничарска екипа дојде да му помогне, а на патеката пристигна и хеликоптер, по што дел Боско беше згрижен и пренесен во болница.
За дел Боске ова е трет настап на Зимските олимписки игри, откако претходно учествуваше и на игрите во Ванкувер 2010 и Сочи 2014.
