Канаѓанецот Мајк Џек го собори светскиот рекорд за јадење лути пиперчиња - изеде 50 пиперчиња од сортата Carolina Reaper за шест минути и 49,2 секунди.
Откако го собори светскиот рекорд, Мајк Џек изел уште 85 од пиперчињата кои важат за најлути во светот. Нивната просечна пикантност е околу 2,2 милиони сковили, додека, на пример, халапењо пиперчињата имаат околу 2.500 до 8.000 сковили.
На видеото објавено на интернет од официјалниот профил на Гинисовата книга на рекорди се гледа како Џек носи црвена лента и ракавици додека јаде пиперки покрај вентилатор. Може да се види како се мачи додека го соборува овој светски рекорд.
За секое пиперче во просек му биле потребни околу осум секунди.
На крајот, тој изеде вкупно 135 пиперчиња, со што беше втор на листата League of Fire за најмногу изедени Carolina Reaper пиперчиња во еден потег.
„Првото пиперче е најлошо. Почетниот удар од лутото е интензивен. Второто не изгледа толку лошо, но секое после тоа станува се полуто и полуто додека пиперчињата наоѓаат нови неизлутени места во вашата уста“, рече Канаѓанецот.
И покрај тоа што изградил толеранција кон лутото во изминатите две децении, Џек рече дека сè уште многу често доживува стомачни непријатности и грчеви во стомакот.
Покрај тоа, Мајк Џек држи уште неколку рекорди, од кои едниот е „најбрзото време за пиење шише лут сос“ за нешто повеќе од осум секунди, а другиот е „најбрзото време за пиење литар сос од домати во една минута и пет секунди.“
Претходно оваа година, тој го собори и светскиот рекорд за „најдолг бакнеж со хабанеро пиперче“, откако тој и неговата сопруга изеле хабанеро и се бакнувале 15 минути и шест секунди.
