Новиот селектор на македонската младинска фудбалска репрезентација денеска го откри списокот на повикани играчи за новиот циклус квалификации.
Драги Канатларовски, поранешниот одбранбен играч и член на првата генерација на репрезентацијата на Македонија по независноста, го наследи Благоја Милевски на клупата на У21 репрезентацијата. На почетокот од наредниов мњесец ќе го има својот прв предизвик во новата улога бидејчи почнуваат квалификациите за пласман на ЕУРО 2023 кое ќе се одржи во Романија и Грузија.
Младите македонски фудбалери прво патуваат за Ле Ман на мегдат со моќната Фрнација, а потоа на седми во Охрид ќе ја нагостат соседна Србија.
Селекторот повика 25 фудбалери од кои десетмина кои настапувата во странски клубови, а меѓу нив се и долгоочекуваните Македонци од далечната Австралија, стоперот Метју Божиновски и крилниот напаѓач Стефан Чолаковски.
Голмани:
Давид Денковски - Брегалница
Марко Алчевски - Академија Пандев
Стефан Тасев - Македонија ЃП
Одбрана:
Филип Антовски - Аустриа (Австрија)
Блертон Шеји - Шкупи
Мартин Величковиќ-Радуловиќ - Пелистер
Метју Божиновски - Мелбурн Виктори (Австралија)
Марио Младеновски - Ботев (Бугарија)
Бесник Ферати - Академија Пандев
Адриан Хајдари - Рапид (Австрија)
Јован Манев - Брегалница
Средина:
Агон Елези - Вараждин (Хрватска)
Енис Фазлагиќ - Жилина (Словачка)
Али Адем - Шкупи
Томче Гроздановски - Злате Моравце (Словачка)
Амел Рустемоски - Вил (Швајцарија)
Лука Станковски - Работнички
Арби Воша - Македонија ЃП
Димитар Тодоровски - Работнички
Методи Максимов - Работнички
Емир Скендери - Струга
Лука Трајковски - Борец
Напад:
Стефан Чолаковски - Мелбурн Сити (Австралија)
Марко Ѓорѓиевски - Шкупи
Марио Илиевски - Септември (Бугарија)
„Нов почеток и за мене и за фудбалерите. Со радост и нетрпение ја очекувам средбата со фудбалерите. Оваа генерација започнува нов квалификациски циклус и навистина задоволството и честа да ја предводам се големи, исто како и нашите очекувања од квалификацискиот циклус. На списокот се повикани во моментот најдобрите фудбалери со кои располагаме. Еден од главните услови за да бидат во репрезентацијата е стандардно да настапуваат во своите клубови“, вели Канатларовски за ФФМ.
„Се надевам дека најпрвин квалитетно ќе ги одработиме подготовките, сите ќе бидат здрави и ќе се борат за место во почетниот состав. Најважно за мене е сите да бидеме во функција на тимот. Очекуваме дека новоповиканите фудбалери Божиновски, Чолаковски и Рустемоски ќе дадат дополнителен импулс на тренинзите и натпреаврите и како и сите останати да го дадат својот максимумот и да се бориме за позитивен резултат на воведните два натпревара“.
Собирот на македонската репрезентација е закажан на 29 август (недела). Првиот тренинг е истиот ден од 18 часот на тренинг центарот „Петар Милошевски“ во Скопје.
