Раперот Кање Вест поднел официјално барање за промена на неговото име од Кање Омари Вест во само Је (Ye).
Тоа го направил во судот во Калифорнија, што го објавил уште во 2018 година со објавувањето на албумот со истото име.
Во документите, 44-годишниот Вест вели дека неговата одлука да го смени името дошла од „лични причини“ и не дава дополнително објаснување.
За да се случи промена, судија во Калифорнија ќе треба да го потпише и одобри барањето.
Кога најави дека ќе си го менува името уште во 2018 година, во тоа време разговараше со радио водителот Биг Бој и му објасни дека освен што Је е кратенка за неговото име, прекарот за него има и религиозно значење.
Рече дека Је (Ye) е најчесто користениот збор во Библијата, и дека во Библијата значи „ти“.
„Произлегува од Кање, што значи единствениот, само до тебе - само одраз на нашето добро, нашето лошо, нашата конфузија, сѐ. Албумот е повеќе одраз на тоа кои сме“, откри Кање пред три години.
Веста за промена на името доаѓа откако Вест започна процедура за развод со сопругата Ким Кардашијан - која сѐ уште го носи неговото презиме.