„Као какао“ на Леб и сол по 35 години повторно на винил

Македонската група „Леб и сол“ во 1987 година го издаде „Као какао“, едно од најзначајните музички дела во екс-југословенската дискографија. По повод 35 години од објавувањето на култниот албум, издавачката куќа Croatia Records го претставува ексклузивното винилно реиздание на „Као какао“.

Албумот што остана актуелен до ден денес, повторно е достапен во физичка форма, на 180-грамскиот винил, режан со половина брзина, half speed технологија, во студиото Abbey Road во Лондон, се наведува во денешното соопштение на Croatia Records - Македонија.

– Освен half-speed мастерингот, направен од Мајлс Шоуел, изданието вклучува богата книгичка со фотографии од Георги Христовски, архивски фотографии од Croatia Records и придружни текстови. Иако беше издаден во 1987 година, бендот почна да експериментира со идеи за нов студиски албум неколку години порано. По албумите „Калабалак“ од 1983 и „Тангента“ од 1984, издадени за Југотон, следеше „Звучни зид“ од 1986 година, албум со песни што во меѓувреме, беа напишани специјално за театар, филм и телевизијa. Групата, ќе признаат членовите, минуваше низ прилично кризен период од 1985 година, а евентуалниот неуспех на планираното студиско издание, секако ќе означeше распад на уште еден рок гигант, пишува во соопштението.

Како што се додава, за да го максимизира потенцијалот на новиот материјал, бендот во состав Влатко Стефановски, Бодан Арсовски и Гарабет Тавитјан, одлучува да го покани младиот виртуоз на клавијатури Кирил Џајковски, кој станува постојан член, а покрај него, на снимањето се приклучуваат и саксофонистот Гоце Мицанов, пејачките Беби Дол и Ана Костовска, гајдашот Рони Ватен и перкусионистот Мишко Михајловски.

– Целиот материјал е снимен во познатото М-2 студио на Радио-телевизија Скопје, каде меѓу другите снимаше и групата „Bijelo Dugme“. Албумот „Kao какao“ звучи неверојатно свежо концептуално и продукциски, па дури и според денешните продукциски стандарди е навистина извонреден албум. За звукот на овој албум, меѓу другите, беше задолжен и Братислав Зафировски, кој освен за снимањето, беше заслужен и за миксот, а со Влатко и Бодан ја потпиша и продукцијата на „Као какао“. Со ова издание, „Леб и сол“ го обезбеди статусот на еден од најголемите состави во историјата на нашите простори, пишува во соопштението.

Винилното реиздание на „Као какао“, фановите од државава можат да го нарачаат онлајн, преку веб-продавницата на Croatia Records.

реклама

МК сцена

На 7 и 8 јуни по петти пат фестивалот Metal Discharge во Битола

Read more

Режисерка од Нов Зеланд сними филм инспирирана од Пред дождот на Милчо Манчевски

Read more

28 април 1980 – родена е македонската поп-ѕвезда Каролина Гочева

Read more

Почина менаџерот Велибор Џаровски-Џаро

Read more
 

Сцена

Бредли Купер исмеван поради новиот имиџ

Читај повеќе
  • play_arrow

Расел Кроу вели дека му е малку непријатно поради снимањето на новиот Gladiator

Читај повеќе
  • play_arrow

Официјален трејлер за Romulus, седмиот филм од Alien

Читај повеќе
  • filter

Анистон снимена во јавност по посетата на пластичен хирург: Промените се очигледни

Читај повеќе
  • play_arrow

Топ 10 најпиратирани филмови на неделата

Читај повеќе

На 7 и 8 јуни по петти пат фестивалот Metal Discharge во Битола

Читај повеќе
  • play_arrow

Фан ја тужи Мадона поради премногу експлицитен настап: Изложеност на порнографија без предупредување

Читај повеќе

Уште едно од децата на Анџелина Џоли и Бред Пит се откажува од презимето

Читај повеќе

Лени Кравиц откри дека е во целибат девет години

Читај повеќе