Големиот Фабио Капело смета дека не вреди агентинскиот бисер Пауло Дибала да се даде за Пол Погба, туку за некој кој е на исто ниво како него, а тоа е англискиот голгетер Хари Кејн
Гласините дека Јувентус сака да направи трампа со Манчестер Јунајтед во која на „Олд Трафорд“ ќе го прати Пауло Дибала, а за возврат ќе го добие Пол Погба, за Капело немаат смисла.
„Јас не би го трампал Дибала за да го добијам Погба. Да би можел, би го трампал за напаѓачот на Тотенхем, Хари Кејн“, вели Капело.
Дибала не е во форма, но Капело смета дека коронавирусот е виновен за таквата ситуација.
„COVID-19 е причината, особено за играч како Дибала, кој треба и да дрибла. Впечатокот е дека тој е малку неподготвен. Тој плени, но остава простор за двоума. Јасно е дека поседува квалитет, тој навистина има сѐ што ви треба“.
„Потребна му е физичка подготовка за да се врати во топ форма. Пауло мора да биде 100% подготвен. Тој на терен може да направи сѐ ако е во форма, дури и да игра во трио со Мората и Роналдо“, заврши славниот стратег кој веќе две години е неактивен.
Капело на чело на Јувентус беше во сезоните 2004/05 и 2005/06, а како играч настапуваше за Јуве од 1970 до 1976 година.