Вториот внук на бугарскиот националист го доби името по македонскиот херој, за кој партијата на Каракачанов тврди дека бил Бугарин.
„Малиот јунак е второ внуче на претседателот на ВМРО од ќерка му Деница и зет му Никола. Детето ќе го носи легендарното историско име Георги Николов Делчев. Тоа се и трите имиња на војводата Георги (Гоце) Делчев. Веќе треба да е јасно дури и за скопските манипулатори чиј е Гоце Делчев!“, стои во објавата на партијата ВМРО - Бугарско национално движење по повод раѓањето на внукот на нивниот врховен лидер.
Каракачанов може и сите членови на бугарското ВМРО да ги прекрсти со имиња на македонски војводи и јунаци, но тоа нема да ја промени историјата онака како што тој сака да ја преиначи.