Иднината на Пауло Дибала во Јувентус е многу понеизвесна откако торинскиот клуб ја повлече понудата за нов договор.
Аргентинецот има договор до крајот на следната сезона. Според договорот, тој заработува седум и пол милиони евра годишно. Јувентус му понуди нов договор со годишна плата од 10 милиони евра. Дибала побара дури 15 милиони евра, а италијанскиот шампион, тврди Calciomercato, решил да ја повлече понудата.
Calciomercato пишува дека Јувентус му рекол на Дибала дека може да остане во клубот и да потпише продолжување на договорот, но под истите услови како и претходно. Се очекува Дибала да ја одбие понудата и да го напушти Јувентус во следниот преоден рок. Италијанскиот шампион веројатно ќе го продаде за во 2022 година да не остане без него и без обештетување, затоа што тогаш може да замине како слободен агент.
Дибала пристигна во Јувентус од Палермо во 2015 година. За „Старата дама“ одигра 243 натпревари и постигна 98 голови.