Ако сме изложени на зголемен ризик од срцеви заболувања, кои вклучуваат дебелина, дијабетес тип 2, висок крвен притисок или висок холестерол, 2025 година може да биде време да одлучиме да го ставиме здравјето на срцето на прво место.

Срцевите заболувања се водечка причина за смртност во светот. Иако овој факт е загрижувачки, охрабрувачки е тоа што срцевите заболувања речиси целосно можат да се спречат во повеќето случаи.
Меѓутоа, за да се зачува здравјето на срцето, важно е да се усвојат неколку навики. Кардиологот д-р Мелиса Трејси тврди дека најважната промена е да прекинете да водите седечки начин на живот.
„Мрзеливоста предизвикува нездрава телесна тежина и го зголемува ризикот од висок крвен притисок, холестерол и дијабетес“, објаснува таа.
Научните истражувања јасно ја покажуваат штетата од неактивноста – мажите кои седат повеќе од 23 часа неделно имале меѓу 64 и 82 отсто поголем ризик од смрт од срцеви заболувања.
Покрај вежбањето и откажувањето од пушење, здравјето на срцето може да се поддржи и со намалување на внесот на црвено месо.

Д-р Трејси препорачува најмалку 150 минути умерена физичка активност неделно, како што се пешачење, пливање, јога или возење велосипед и предлага вежбањето да биде забавно, како на пример вежбање со пријателите или семејството.
Покрај физичката активност, откажувањето од пушење или користењето електронски цигари е исто така една од поважните промени за здравјето на срцето.
Кардиологот д-р Мустали Дохадвала истакнува дека откажувањето од пушење значително го намалува ризикот од срцеви заболувања, дијабетес тип 2, рак и други здравствени проблеми.
Покрај вежбањето и откажувањето од пушење, здравјето на срцето може да се поддржи со намалување на внесот на црвено месо, избегнување газирани пијалоци, управување со стресот и подобро спиење. Иако промените на почетокот може да бидат предизвикувачки, нивното влијание врз здравјето може да биде непроценливо.