Седум натпревари беа на програмата на НБА лигата синоќа, меѓу кои и дуелот помеѓу актуелниот шампион Голден Стејт Вориорс и Далас Маверикс, во кој со индивидуална игра блеснаа Стеф Кари и Лука Дончиќ.
Тимот на Далас Маверикс не успеа да го одбрани домашниот терен и беше поразен од Голден Стејт Вориорс со резултат 114:119.
Враќањето на Стеф Кари во составот на Голден Стејт Вориорс носи една нова димензија кај шампионот, кој со него во поставата изгледа несовладлив. Двократниот МВП синоќа постигна 48 поени, од кои 33 дојдоа од зад линијата за три поени, и уште еднаш покажа дека е главната алка во составот на Вориорс. Како и обично, одлична поддршка му беше Кевин Дурент, кој вечерта ја заврши со 28 поени и 7 скока.
Играчите на Далас Маверикс оваа недела се потресени од разочарувачката вест дека резервниот плејмејкер Џеј Џеј Бареа ќе го пропушти остатокот на сезоната поради повреда. Синоќа се забележа неговото отсуство, иако Лука Дончиќ се обиде да ја пополни празнината оставена од Порториканецот со 26 поени, 6 скока и 5 асистенции, кои сепак не беа доволни за избегнување на пораз.
Останати резултати:
Њујорк Никс – Филаделфија Севентисиксерс 105:108
Вашингтон Визардс – Торонто Репторс 138:140 (по две продолженија)
Атланта Хокс – Милвоки Бакс 114:133
Орландо Меџик – Хјустон Рокетс 116:109
Денвер Нагетс – Портланд Трејл Блејзерс 116:113
Лос Анџелес Лејкерс – Кливленд Кавалирс 95:101