Во склоп на Ол-Стар натпреварот ноќеска во НБА покрај стандардниот натпревар имаше и други егзибициски пресметки. Некои беа интересни, а една, за жал, беше очајна.
Стеф Кари победи во натпреварот во шутирање тројки и тоа во конкуренција на Џејлен Браун, Џејсон Тејтум, Мајк Конли, Зак ЛаВин и Доновам Мичел.
На крајот се решаваше помеѓу Кари и Конли, но Кари го погоди последниот шут и успеа да победи. Инаку, Конли настапи како замена за повредениот Девин Букер.
Натпреварот во забивање се одржа на полувремето од Ол-Стар дуелот, а победи Анферни Симонс.
Според многумина, ова беше едно од најлошите натпреварувања во забивиња во целата историја на Ол-Стар. Победи бекот на Портланд Треил Блејзерс во конкуренција на Касиус Стенли од Индијана Пејсерс и Оби Топин од Њјорк Никс.
Многу поинтересно беше во натпреварувањето за вештини со топка. Се натпреваруваа Роберт Ковингтон, Лука Дончиќ, Крис Пол, Џулиус Рендл, Домантас Сабонис и Никола Вучевиќ. Во финалето беа Сабонис и Вучевиќ, а Литванецот во директен дуел побрзо уфрли тројка и победи.
