Најдобриот кошаркар на Голден Стејт Вориорс, Стеф Кари, призна дека сакал да биде избран од Њујорк Никс на драфтот во 2009 година.
„Навистина сакав да стигнам до Никс. Драфтот се одржа во Њујорк, беше роденден на татко ми, 25 јуни 2009 година. За тоа време често разговарав со генералниот директор на Њујорк. Тој рече дека ако сум на располагање, ќе ме изберат. Имаше многу возбуда бидејќи бевме во Њујорк и мислев дека ќе бидам играч на Никс. Но, секогаш внимавајте што посакувате. Се случи тоа што се случи, па сега сум играч на Вориорс“, раскажа Кари.
Тој беше избран како седми пик од страна на Голден Стејт Вориорс. Њујорк Никс на тој драфт го избра осмиот пик Џордан Хил.
Кари сега има 33 години и цела кариера ја мина во дресот на Вориорс за кои моментално ја игра 13-тата сезона во НБА. Голден Стејт го предводеше до три шампионски титули и тоа во 2015, 2017 и 2018.
