Легендарниот гитарист Карлос Сантана го одложи преостанатиот дел од неговата турнеја „Miraculous Supernatural 2022“ поради здравствени проблеми.
Неговиот менаџер Мајкл Врионис во изјава за магазинот People изјави дека Сантана морал да ги одложи преостанатите концерти бидејќи лекарите го советувале да се одмори.
„Тој едвај чека да се врати на сцената. Сега му треба одмор. Жал му е за одложувањето, но неговото здравје мора да биде на прво место. Се надева дека наскоро ќе може да ужива со своите обожаватели“, додаде тој.
Концертите во Висконсин, Охајо, Арканзас, Тексас се одложени... Новите датуми сѐ уште не се познати.
Потсетуваме, музичарот пред два дена колабираше на сцената среде настап во Мичиген. Моментално е во болница на опсервација.
