Познатиот латиноамерикански музичар Карлос Сантана се онесвести за време на настап во Кларкстон, САД.
На интернет се појавија и снимки каде што се гледа како медицинскиот персонал му помага на Сантана. Додека го одведуваа во болница, музичарот со раката ја поздрави публиката, што секако, предизвика надеж и олеснување.
Американските медиуми пренесуваат дека легендарниот 74-годишен гитарист закрепнува.
Менаџерот на Сантана, Мајкл Врионис изјави за CBS News дека на Сантана му се слошило поради „исцрпеност од горештините и дехидратација“. Тој е згрижен во блиската болница и се чувствува добро.
Неговиот настап вечерва во Пенсилванија е откажан. Инаку, Сантана деновиве ја одржува турнејата под наслов „Чудесно натприродно“.
