Пакистанската војска тврди дека утрово соборила два индиски воени авиони кои го нарушиле воздушниот простор на земјата во спорниот регион Кашмир. Телевизијата SAMAA објави снимка од падот на индискиот авиони откако беше соборен од пакистанските сили.
Пакистан објави и снимка од заробениот индиски пилот.
Според Reuters, најмалку три пакистански воени авиони влегле во воздушниот простор над индискиот дел на Кашмир. Индија потоа испратила борбени авиони во пресрет на пакистанските. Пакистанските авиони пукале и собориле индиски авиони на свој воздушен простор. Еден авион паднал на територија која е под контрола на Пакистан, а друг авион паднал на територијата на Индија.
AP пренесува дека индиските авиони биле соборени откако ја минале линијата на контрола која го дели Кашмир на пакистански и индиски дел. По извештајот за пакистанската акција, индиските власти затвориле најмалку четири аеродроми во северниот дел на земјата, а откажани се десетина летови.
Пакистан го затвори својот воздушен простор поради опасност од поголем конфликт со соседна Индија, соопштија од Управата за цивилно воздухопловство и воени претставници во земјата.
Пакистанските вооружени сили денеска соборија два индиски воени авиона, за кои се тврди дека навлегле во воздушниот простор на Пакистан.
Индија вчера покрена воздушни напади во внатрешноста на Пакистан во кои се убиени стотина екстремисти во кампови за обука. Тие напади беа одмазда за нападот на индиски воени трупи во Кашмир. Тензиите меѓу двете земји се зголемија по самоубиствениот напад на 14 февруари на индиски паравоен полициски конвој, во кој загинаа најмалку 40 војници.
